Óli Jóels, Tryggvi, Kristján og Dói spila tölvuleiki

Eftir að hafa streymt í mörg ár í sitthvoru lagi, ákváðu vinkonurnar Diamondmynxx og VallaPjalla að sameina krafta sína og mynda tvíeykið Queens. Í þáttunum hangir vinskapurinn oft á bláþræði, sérstaklega þegar þær spila hina ýmsu co-op og hryllingsleiki. En alltaf enda þær í faðmlögum og styrkist vinskapurinn við hverja raun.

Alvöru “drama” drottningar sem öskra uppyfir sig af hrylling eða öskra á hvor aðra þegar þær eiga að vinna saman. Rétti staðurinn fyrir þá sem vilja stíga uppí alvöru tilfinninga rússíbana.

Fyrsti leikurinn sem Móna spilaði var Commander Keen: Marooned on Mars, en hún er búin að vera að streyma á Twitch í nokkur ár með flottum árangri. Hún spilar allar leikina á PC og PlayStation 5, en hennar uppáhaldsleikir eru Sims 2, Black & White 2 og Grim Fandango.  Þegar Móna þarf að væta kverkarnar gerir hún það með Dr. Pepper og blóði óvina sinna.

Það er óhætt að segja að VallaPjalla sé drottning hryllingsleikjanna, en hún hefur spilað þá allmarga í gegnum tíðina og öskrað hátt í takt við hryllinginn. Svo hátt reyndar að nágrannarnir eru farnir að hafa áhyggjur. Þegar VallaPjalla var minni spilaði hún fyrst Mario Kart á Nintendo 64, en hennar uppáhalds leikir eru Sims 2 og The Last of Us. Þegar Valla spilar tölvuleiki finnst henni best að drekka klaka vatn og henda í sig saltpillum.

Í miðju Covid ástandinu ákváðu vinkonurnar Kamilla, Eva, Alma og Högna að halda sambandinu og hittast með því að spila Warzone saman og streyma því til annarra. Fyrst hét streymið Pussi Patrol, en breyttist síðar í The Babe Patrol og hefur vaxið þétt og örugglega síðan.

Vinkonurnar Alma, Eva, Kamilla og Högna elska að svífa inná hina ýmsu vígvelli vopnaðar byssum og G&T. Á meðan á streyminu stendur bera þær á borð hnefasamlokur á milli þess em þær fylla óvinina af blýi.

Kölluð KamCarrier enda þarf hún oft að bera liðið á herðum sér í gegnum erfiðustu skaflana. Fyrsti leikurinn sem Kamilla spilaði var Crash Bandicoot, en hennar uppáhalds er Call of Duty serían. Kamilla spilar alla sína leiki á PS5 tölvuna og keyrir í sig ískaldri Coke Zero eða G&T með. Meðal helstu afreka Kamillu er meðal annars að hafa drukkið 13 tekílaskot á einu kvöldi. Það man engin hvernig það endaði.

Sjálskipaður Sniper Babe Patrol enda með nafnið Evasniper69 í leiknum. Fyrsti leikur Evu var Spyro, en fílar samt best að spila Call of Duty leikina. Sem Sniper þarf Eva að vera mikil nákvæmis manneskja og nýttist það henni vel meðal annars þegar hún þurfti að pissa í Pringles dós á 100 km hraða. Höfum heyrt að bíllinn sé ennþá í hreinsun.

Eini landsliðsmaður The Babe Patrol, en Högna eða Hoggattack var í landsliðinu í golfi. Fyrsti leikurinn sem Högna spilaði var SingStar og hefur hún margoft skilið raddböndin eftir á gólfinu í þeim leikjum. Þegar Högn vill gera vel við sig fær hún sér G&T og Pizzu og rennir Lord of the Rings myndunum í gegn. Uppáhalds leikur Hoggattack eru leikir Call of Duty seríunnar.

Fyrsti leikurinn sem Alma eða Almazing spilaði var Hercules og þá var ekki aftur snúið. Uppáhalds leikirnir eru þeir sem eru í Call of Duty seríunni, en meðan hún spilar hlustar hún á dúndrandi píkupopp og keyrir í sig sinn uppáhalds mat Lasagna. Sérkenni Ölmu er Harry Potter ör sem hún er með á enninu og hefur hún notað það til að töfra sig í gegnum lífið.

Gameveran Marín sér um spilið og spjallið í nýjum þætti á GameTíví rásinni.  Hún sýnir andstæðingum sínu hvar Davíð keypti ölið og leiðir vini sína sjaldan, en stundum að sigri. Mikið gaman, oft hlegið, alltaf tapsár.

Benni, fyrirliði Sandkassans fékk það hlutverk að búa til alvöru streymishóp. Niðurstaðan var Sandkassinn þar sem vinirnir Benni, Einar Karl, Bjarni Egill og Óli berjast í gegnum fjölbreytta leiki. Það eru engar fötur og skóflur í þessum sandkassa heldur öflugt vopnabúr sem félagarnar rífa í til að ná árangri í hinum ýmsu leikjum.

Þegar félagarnir Benni, Einar, Bjarni og Óli mæta í sandkassan má segja að sandurinn þyrlist upp og allt fari í vitleysu. Fjölbreytt streymi þar sem Sandkassa strákarnir skoða hina ýmsu leiki og hræðast ekki að prófa eitthvað nýtt.

Fæðuhringur Benna samanstendur af súkkulaði sjeik… Bara súkkulaði sjeik. Fyrsti leikurinn sem hann spilaði var Lion King, en hans uppáhalds er Outer Wilds. Leikjanafnið hans  er Slevin, en hann tók það úr sinni uppáhalds bíómynd Lucky Number Slevin. Benni er tæknitröll og stýrir útsendingum Sandkassans með harðri hendi.

Óli Jóels leiðir GameTíví gengið í spennandi tölvuleikjum á hverjum mánudegi.

Það er alltaf stutt í ruglið þegar vinirnir Óli Jóels, Kristján Einar, Tryggvi og Dói ræsa “streymisvélina” og spila fjölbreytta leiki, skjóta niður óvini og á hvorn annan.

Afi tölvuleikjanna byrjaði með GameTíví fyrir síðustu aldamót og hefur verið hluti af því síðan þá. Fyrsta tölvan hans var Sinclair Spectrum og fyrsti leikurinn sem hann spilaði var Manic Miner. Óli man þegar leikir voru spilaðir í svart-hvítu enda eldri en ljósið. Kvikmyndasmekkur hans er umdeildur, en uppáhalds myndin hans er Grown Ups 2 og aðrar myndir með Adam Sandler.

Á síðustu árum hefur Kristján Einar orðið andlit rafíþrótta á Íslandi enda búinn að stýra ótal útsendingum í Vodafone deildinni og öðrum viðburðum tengdum rafíþróttum. Kristján elskar að spila bílaleiki enda fyrrum atvinnumaður í Formúlu akstri. Fyrsti leikurinn hans var Mario Kart á SNES og eru F1 leikirnir einnig í miklu uppáhaldi.

Tæknitröll GameTíví og fyrrum atvinnumaður í rafíþróttum. Okkar allra besti Dói veit fátt betra en eitthvað með Vogaídýfu. Þó að það sé ekki alltaf hátt á honum risið, hefur hann hleypt miklu fjöri í GameTíví streymin. Fyrsti leikurinn hans var Sonic, en hans uppáhalds er Day of Defeat. Sturluð staðreynd um tæknimanninn er að hann er með sítt rokkarahár í ökuskírteininu sínu og fer það honum mjög vel.

Eftir að Sverrir Bergmann yfirgaf GameTíví ráfaði Óli Jóels einn um þáttinn þangað til að hann fann Tryggva sinn á froðudiskóteki á Ibiza. Saman börðust þeir í þættinum og bjuggu meðal annars til Bleiku fjöðrina og fleira. Uppáhalds leikur Tryggva er Age of Empires II og fyrsti leikurinn sem hann spilaði var Warlords 3: Reign of Heroes.